مدونة شمعتك

"الرسالة دي جاتلي على الواتس من مدرس حصة.. وسبتها زي ما هي تقريبًا لأن الكلام فيها يوجع أي حد عنده ضمير."  مضمون الرساله كتالي "مدرس كيمياء، عمره 45 سنة، خريج تربية من سنة 2002، وأب لـ3 أولاد في مراحل تعليمية مختلفة.  من 3 سنين وهو شغال بنظام الحصة. سنة اتقدم واترفض بدون أي سبب. السنة اللي بعدها اشتغل مدرس كيمياء، 10 حصص في الأسبوع، والحصة بـ20 جنيه! أيوة 20 جنيه.. وبعد الخصومات كانت بتنزل أكتر. بعدها زودوا النصاب لـ16 حصة، واتحاسبوا على 15 بس. وآخر السنة اتفاجئوا إن كل مدرسين الحصة تقريبًا اتقبضوا مبلغ واحد مهما كان عدد الحصص اللي اشتغلوها! يعني اللي شغال 10 زي اللي شغال 20؟ هو الاجتهاد بقى عقوبته المساواة؟ ولا الحسابات ماشية بمنطق "راضوا الناس وخلاص"؟ السنة اللي بعدها النصاب زاد لـ20 حصة أسبوعيًا. والسنة الحالية الوزير أعلن إن الحصة بـ50 جنيه. طيب جميل... أمال ليه يقبضوا صافي 31 جنيه و40 قرش للحصة؟ فين الـ50 جنيه؟ راحوا فين؟ وإيه الاستقطاعات دي؟ وهما بيستفيدوا منها في إيه أصلًا؟ المعلم مطلوب منه يحضر من طابور الصباح لحد آخر اليوم. إشراف يومي. مراقبة امتحانات....