مدونة شمعتك

#بالعامية وبلغة الحصيرة ياسادة ياكرام هكذا لسان حال مجتمعنا #بالنسبة #للمطلقة  كونك مطلقة يبقي اتحكم عليكي تتحملي الغباء والظلم المجتمعي :  لو اتجوزتي راجل متجوز .. يبقي انتي ست خرابة بيوت.. ولو اتجوزتي شاب .. يبقي اكيد ضحكتي عليه عشان تتجوزيه او عملتيله عمل. لو فضلتي من غير زواج .. اكيد فيكي عيب وتبقي مقضياها وماشية علي حل شعرك.. لو احتاجتي تحسي باﻻمان بوجود راجل معاكي ... وده الطبيعي لأي ست ... تبقي ست شاذة وكل تفكيرها في الرجالة ولو ضحيتي ومااتجوزتيش علشان اﻻوﻻد ... يقولوا بٌكرة هايرموكي وهاتفضلي لوحدك وﻻ حد من وﻻدك هاينفعك... ويخوفوكي من الغد المجهول .. لو احتفظتي باﻻوﻻد واتبهدلتي في تربيتهم يبقي بتشيلي حمل  مش بتاعك وتستاهلي.. ارميهم ﻻبوهم خليه يحتاس. .. ولو سبتيهم ﻻبوهم .. يبقي انتي ام قاسية رامية وﻻدك... خديهم حتى لو تشحتي بيهم .. لو صاحبتي واحدة متجوزة .. تبقي خايفة منك .. ولو صاحبتي واحدة مطلقة .. يبقي إتلم المتعوس على خايب الرجا .. لو اشتغلتي في مجتمع مختلط .. يبقى اكيد علشان تصطادي عريس .. ولو اشتغلتي مع الستات بس .. يبقي انتي رجعية ومعقدة .. اي راجل بتقابله ول...