مدونة شمعتك

- ازيك ياحجه  ؟  = الحمد لله يابنى  - انا جاي عشان ابلغك خبر مش حلو  = عارفاه وحساه والباب بيخبط   - هو اية ياحجه ؟  = ابنى مات صح  ؟  - ايوة ياحجه .. ربنا يديكى الصحة والبقية فى حياتك   = تعالى ادخل اما اعملك شاى   - شاى اية ياحجه  ! بقولك ابنك مات   = عارفة يابنى .. ابنى ميت من زمان .. بس قولى هو مات ازاى المرادى ؟ - مات المرادى !! كان راكب القطر وحصل تصادم ف قطر اللي ف اتجاه التاني  ..  - هو فى اية ياحجه بس !! وبعدين اية ميت من زمان دى انا مش فاهم  ؟ واية الصبر اللى عندك والهدوء دة  ؟  = يابنى .. محدش بيهرب من قدرة  .. انا عارفة ان ابنى هيموت .. بس اهو كنت بحاول اخلية جنبى اطول فترة .. ابنى ميت من زمان لما اتخرج من كلية الهندسة وملقاش شغل .. ومات مرة تانيه لما حب واحدة وكان نفسة يتجوزها ومكنش لاقى يجيب شقة يتلم فيها هو هى ..  ومات مرة  لما اشتغل سواق ميكروباص وهو خريج هندسة .. ومات كمان مرة لما ابوه مات وشال همى وهم مرضى وهو مكنش لاقى حتى يجيب فطاره  ..ومات مرة...