مدونة شمعتك

بقلم محمد باسل بيتهيألي مفيش خيال مبدع في العالم وصل في تصوير انتخابات بالشكل اللي شفناه امبارح في الزمالك.. مرتضى واقف بالميكروفون طول اليوم وماشي بيه في حراسة أنصاره بين أعضاء الجمعية العمومية.. امشي اطلع بره.. اسكت ياله انت وهو.. محدش يهتف محدش يوزع.. أنا هعمل وأسوي.. وفي لحظات يتم الاعتداء على أشخاص معارضين ليه بالضرب أو تتقلب خناقات.. لا لا ده مشهد سينمائي فانتازيا بامتياز. والمشهدية دي مقصودة وواعية، لا اعتباطا ولا اضطرارا. في وسط الجو ده كله بجد كل صوت راح لسليمان وكل صوت أُبطل بمائة مما تعدون. وعشان السصبنس أول اليوم كان بيقول "النهارده أنا مش هزعل من حد  وأي حد يشتمك قول الله يسامحك" ☺️ وبعد إعلان النتيجة شتم شوبير وشبانة وطبعا عباس وبعض أعضاء القائمة المنافسة وطرد أبوالعلا والغندور من القناة 🙃. مرتضى هاز نو إند.. مرتضى ظاهرة تستحق الدراسة (وكأن مرتضى وُجد من العدم وينشط في العدم) أعضاء الزمالك سبب أزماته.. هم اللي انتخبوه وبعدين يشتكوا منه (وكأن كان في انتخابات بجد ومنافسة بجد).. كلها تعليقات معتادة في مثل هذه المناسبة المتوقعة.. بس أنا مختلف معاها. لأن الحقيقة مصر...