قوم سبأ (بلد في اليمن )

من كاااااااام الف سنة كده ..قوم سبأ (بلد في اليمن ) . كان عندهم جنتين كباار جدا جدا جدا لدرجة ان الفاكهة كانت تسقط فروع الاشجار من ثقلها . وكانت مغرقة اهل البلد حرفيا ومعيشاهم في نعيم تاااام .

حتي ان المؤرخين قالوا ان المرأة كانت تحمل فوق راسها الاناء وتمر فقط تحت الشجر فمن كثرة الفاكهة كانت تسقط بأنواعها فتملأ الوعاء فوق راسها . دون ان يقطفها أحد ... .

وطبعا كانت لهم حضارة من اقدم الحضارات في الكوكب و وجيش من اقوي جيوش الأرض وقتها ( اللي الملكة بتاعته كانت بلقيس . صاحبة العرش وقصتها الشهيرة مع سيدنا سليمان والهدهد ) . المهم .

كان سبب الازدهار بتاعهم ده سد علي النهر كبييير جدا طوله ٦٠٠ متر . وعرضه ٦٠ متر . وارتفاعه ١٦ متر . ومخزن الميه ومخلي الجنتين دول يشربوا ويبقوا زي الفل . .

تمام كده ..

وبعدين فجأة .... مرة واحدة كده حصل شروخ في السد واتكسر تماما وطبعا حصل سيول عارمة مسحت الارض تماما ودمرت كل شيء.. . واصبحت ديارهم خرابا .

وانتهت حضارتهم للابد .😥😥

اي مؤرخ هيقولك طبعا ان السد والميه والارض الخصبة كانت هي سبب الحضارة .

وهيحكيلك ان بسبب الجغرافيا وعوامل التعرية والزلازل مثلا وخلافة انهار السد مع العمر . وخلاص . .

قصة منطقيه و واقعية جدا جدا و مفهومة . .. .

ولكن لما ربنا سبحانه وتعالي هوا اللي حكي القصة لينا في القران . قالك انه سبحانه وتعالي امرهم انهم يشكروا ربنا وبس .

(( كلوا من رزق ربكم واشكروا له . بلدة طيبة ورب غفور ))

وفي اخر الايتين قال كلمتين اتنين (( فأعرضوا . فأرسلنا عليهم سيل العرم )) . .. . وبس .

هي دي القصة وهو ده السبب الحقيقي . .

يعني انهم لو شكروا ربهم لما حدث هذا الانهيار . وماكنش حصل السيل ده ؟؟

ايوه  . ومش انا اللي قلت . ده ربنا اللي اكد كمان. ....

سيبك بقي من الارض وجغرافيتها و الزلازل والبراكين والشروخ وعوامل التعرية بالسد ..

والله لو شكروووا لكان السد موجودا الي يومنا هذا .. ولاكلنا كلنا من ثمار جنانها بشرط ان نشكر ..

كلنا كنا عايشين . في نعم ملهاش حصر . ولكن العالم كله بيكفر بنعم الله . .

كله باصص لكله . ومحدش مرتاح ولا بيشكر . علي مستوي الافراد والعائلات. و الدول .

احنا باصين للخليج وفلوسه . والخليج باصين لاوروبا وامريكا والحريات والحضارة . واوروبا وامريكا عينهم ع البترول اللي في الدول التانيه . وبيموتوا ولادهم حرفيا في الدول علشان البترول ..

واللي معاه ولاد بيبص للي معاه فلوس . واللي معاه فلوس بيتمني يشتري صحة بالفلوس ومش بيلاقيها .

وابلغ مثال علي كده هات اغني اهل الارض . وقوله انك هتموت بكرة وشوفه يدفع كان مليار من فلوسه علشان يشتري يوم واحد فقط زيادة في عمره..

اللي عنده نعمه يلحق يشكر عليها ربنا كويس جدا . ويتعظ من قوم سبأ . بدلا من ان تسلب منه ..

فالسعيد من وعظ بغيره . والشقي من نسي نفسه حتي وعظ به غيره ...

🌸🌸🌸🌸

اللهم لك الحمد عدد ماذكره الذاكرون وعدد ماغفل عنه الغافلون وعدد المجرات والذرات ومادون ذلك وما اكبر 💙💙