خليكى ناصحه 👌الفرق بين الماكريل .. وشك الزور 🐠
خليكى ناصحه 👌الفرق بين الماكريل .. وشك الزور 🐠
💥في أسماك بينهم تشابه كبير فى الشكل الا ان بيبقى فى تفاوت كبير فى اسعارها واللى للاسف بعض البائعين بيستغلوا التشابه دة وبيخدع بيه الناس اللى خبرتها محدودة فى التفرقة بين الانواع المتشابهة 🙍♀️
وعشان كده دايما بنحاول نوضح الفروق مابين الاسماك دى وبعضها عشان مانديش فرصة لحد يغشنا و Loly Fish هتوضحلكم الفرق 👊
وهنتكلم النهاردة عن احد اشهر الاسماك فى السوق المصرى وهى الماكريل
👈الماكريل🐠
احد اغنى الاسماك بالاوميجا ٣ وذو قيمة غذاءية كبيرة وكمان من الاسماك المحببة حتى للصغار لقلة الاشواك الموجودة فيه وكمان بديل ممتاز عن اسماك المزارع فى حالة تواجدنا فى مكان مفهوش اسماك بحرية 🐋🐳🐬
الا اننا هنلاقى سمكة شديدة الشبه بيه وللاسف كتير مابيتم بيعها والترويج ليها على انها ماكريل رغم انها لاتعادل الماكريل سواء فى طعم او فى قيمة وسعرها نصف سعر الماكريل تقريبا
والسمكة دى اسمها " شك الزور " او زى مابيطلق عليها اختصارا " شك "
👈فى الصورة حطينا لحضراتكم على اليمين سمكة ماكريل وهنلاحظ فيها الاتى
اولا : كونها نحيفة القوام
ثانيا : صغر حجم العين
ثالثا : ويمكن ده اهم اختلاف وهو لون السمكة الداكن وخاصة فى منطقة ظهر السمكة وهنلاحظ ان الخطوط اللى بتغطى ظهر السمكة محددة وظاهرة
👈اللى على الشمال سمكة "شك" وبنلاحظ فيه
1-جسم السمكة ممتلىء وخاصة منطقة بطن السمكة
2- كبر حجم العين
3-لون السمكة الفاتح وهنلاحظ ان الخطوط اللى فى منطقة الظهر تكاد تكون غير واضحة ولابد من التدقيق لرؤيتها
وفي انواع كتير للماكريل أفضلهم الماكريل النرويجي ،
تعليقات
إرسال تعليق