النموزج الذي قدمه نظام السيسي في الفن

فكرة الديون اللي بتترد، فكرة مرعبة .

الطيار اتوقف مدى الحياة بسبب صورة، وهو اتوقف مؤقتًا بسبب صورة .

الطيار غلط واعترف بغلطه، بس اتأذى في أكل عيشه، هو غلط ومش راضي يعترف بغلطه .

حتى الكلام اللي قالوه الاتنين بعد الواقعتين هو هو: 

- الطيار قال "مكنتش أعرف إنه بيصور فيديو واتفقنا مينزلش حاجة"

- هو قال: "مكنتش أعرف جنسيتهم" 

الطيار اتفق معاه، وهو أخل بالإتفاق، لمجرد إنه يعملها في كليب يستثمره لزيادة تسويق نفسه، هو اتصور صورة مكانش يتوقع إنهم ياخدوها في استثمار تسويقهم لأفكارهم .

الطيار خسر عمله وكان مكسور قدام الناس كلها، بسبب الصورة، هو وقتها استهزء بيه ونزل فيديو بيقول الدكتور اللي صورني وقفوه عن العمل .

هو اتوقف عن عمله، بسبب صورة برضه، والناس كلها بتستهزء بيه، بما فيهم شريحة كبيرة كانت داعمة ليه، مع إن في الحالتين، كان الموضوع مش هيطلع للعلن لو الصور منتشرتش .

مفيش حاجة على كوكب الأرض مبتتردش، ربنا اسمه العدل، هيرجع؟ هيشتغل تاني؟ مش مهم، المهم إنه جرب نفس شعور الراجل اللي هو استهزء بيه وضره .

كل حاجة عالأرض بتترد، مش هو بس، كل شخص رجليه شايلاه النهاردة، مش هتشيله بكرة، كل شخص ظلم غيره، هيدوق نفس الشعور، كل حاجة بتترد .

"إِنَّ اللّهَ لاَ يَظْلِمُ النَّاسَ شَيْئًا وَلَـكِنَّ النَّاسَ أَنفُسَهُمْ يَظْلِمُونَ"