إحنا بقينا دمى متحركة طارق شوقى بيحركنا على كيفه تعليم ايه ده كل حاجة متلخبطه
إحنا بقينا دمى متحركة طارق شوقى بيحركنا على كيفه تعليم ايه ده كل حاجة متلخبطه عيالنا بعد ما بدأو دروس استعداد للسنة الدراسية الجديدة بعد السنه اللي فاتت وكام شهر ضياع لحد لما العيال نسيت كل حاجة
وقفنا الدروس بعد مطاردة المعلمين
طيب المدارس لسا مبداتش دروس التقوية هيبقى عدي كمان شهر لان مديري المدارس لسه منظموش الجدول بتاعهم
طيب الدراسة هتبقي يومين او تلاتة
طبعاً مايكفوش المنهج
طيب خلاص اللي كان بيدي عياله درس في مادة واحدة او اتنين مضطر يديهم ف جميع المواد ليه بقا عشان يلحقوا يلموا المنهج
طيب أدفع هنا يابني او هنا يابني المهم انك تدفع وبس
الوزير بدل ما يحل مشاكلنا بيحل مشاكله هو على قفانا
طظ في التعليم بالشكل ده
اعصابنا باظت حرام عليكوا
قلق من كل ناحية ولا فيه نظام في حاجة معينة نمشي عليها
لا الأول كنا عارفين عيالنا بياخدوا درس عند فلان وخلصنا
ندفع كتير قليل إحنا براحتنا
انت جاي تتحكم في أولادنا وفي فلوسنا كمان
مدارس بدون معلمين وراضين
فصول مليانة وساكتين
انت للأسف محلتش ولا مشكلة من مشاكل التعليم
انت نيلتها أكتر
احنا محتاجين مدارس من سنين محتاجين معلمين لاولادنا
وفرت ايه وعملت ايه للتعليم
جاي دلوقتي تحط ايدك في جيوبنا ليه
لو ادتني مكان كويس اعلم فيه أولادي يبقى ده حقك
لو سديت العجز يبقى دا حقك
هو انت مصدق نفسك اننا هنقف معاك ونديك فلوس لفصول التقوية
لا طبعا الأولى المدرس اللي بيعلم ولادي يأخد مهما ياخد رزقه
مش هخليك تقاسمه فيهم لانه مع أولادي فعلاً
لكن انت تاخد بإمارة أيه _ بقالك كام سنه عملت فيهم ايه
جاي دلوقتي عايز مني فلوس من فصول التقوية _او من المنصه
او باي وسيلة لا متستهلش ياطارق يا شوقى
مين أولى يطلع جداول وينظم المدارس انتم مش المديرين
انت بكدا بتعمل فتنة اقعد كده مع نفسك واحسبها هتبقى فتنة فعلاً
لكن انت مبتعرفش تحسب غير الفلوس وبس
ياريت كل المعلمين يفوقوا كفايه صمت ضيعتوا نفسكم وضيعتوا أولادنا معاكم احنا مش في زمن العبودية الوزير وحاشيته يتحكموا فيكم وفي مستقبل ولادنا
كفاية صمت واستسلام كفاية كلنا هنضبع
تعليقات
إرسال تعليق