الاهتمام
" (الاهتمام)" ..
عزيزى القارئ وياى عزيزتى القارئه انهاردة بقا هنتكلم عن حاجة مهمة جدا ألا وهى.... (الاهتمام)
لاحظنا كلنا فى الفترة الاخيرة وفى ( ثقافة الاستهلاك ) اللى انتشرت بين الناس فى الكلام والجمل جملة شهيرة اووى وهى :ـ
《الاهتمام مبينطلبش》
الجملة دى بتعبر عن معانى وكلام كتييييييييير جدا.. .دى حقيقة فعلا عارفين لية ؟!
لان بكل بساطة مينفعش تطلب من حد انه يهتم بيك ايا كان نوع الإهتمام أو طريقة الاهتمام او الحاجة اللى يهتم بيها.
مينفعش تقول ولا تطلب من حد يسال عليك ولا تطلب من حد أنه يساعدك ولا تطلب من حد كلمة حلوة تفرحك ولا تطلب من حد حاجة وهو نفسه عارف انها بتفرحك لما يعملها لإن كل اللى فات دا صور للاهتمام ..
حاول كدة تبدأ تهمل حاجة بتحبها ولا بتعملها هتلاقيها مش بس مجرد اهمال لا دا هتلاقيها بداية لنهاية الحاجة اللى بتحبها او بتعملها والعكس صحيح .
جرب كدة تشوف زهرة دبلانة 🥀🍂 ترويها وتاخد بالك منها وشوف بداية الاهتمام هتوصلك لفين هتلاقيها نهاية لمكسب كبييير قدام.. 🌿🌹🌻.
نيجى بقا للناس اللى بتيجى على نفسها وتطلب الاهتمام انتوا بتيجوا على كرامتكوا من غير متاخدوا بالكوا ...
نصيحة للناس اللى مش بتهتم مترجعوش تلوموا نفسكوا على حاجة بعد الخسارة لانها هتوصلكوا للندم
ودى حاجة تانية خالص ...
{اهتموا ببعض اسالوا على بعض متتردش انك تعمل حاجة تسعد اللى قدامك حتى لو بكلمة لانك مش عارف ممكن تفرق معاه ازاى }
اللى مش بيهتموا بيبقوا شايفين انهم مش مهملين ولا مقصرين .........!!!!دا لانهم هما اصلا مقصرين فى حق نفسهم مش بيدوروا على اهتمامهم و سعادتهم بالغير اللى هتكون سبب فى سعادتهم ومكسبهم
..بصوا لقدااام هتلاقوا نفسكوا بتهتموا بالحاجة اللى عاوزنها تكمل معاكوا
مع خالص تحياتى
اسراءالعرباوى_اخصائية المجتمع
تعليقات
إرسال تعليق